Chelsea ka shënuar fitore në finale të Ligës së Konferencës ndaj Real Betisit me rezultat 3-1.

Ndeshja nisi më mirë për spanjollët që shënuan në minutën e nëntë me anë të Ezzalzoulit, pas një asistimi të Iscos, shkruan Arbresh.info.

Pjesa e parë u mbyll me këtë rezultat. Kurse londinezët u rikthyen fuqishëm në etapën e dytë duke realizuar tri herë.

Fillimisht realizoi, Enzo Fernandezi në minutën e 65-të, pas një asistimi të Palmerit.

Palmeri asistoi edhe njëherë pas pesë minutash, kur realizoi Jackson për 2-1. Ndërsa vulën e fitores ia dha Sancho shtatë minuta para fundit.

Deri në fund, Chelsea shënoi edhe një herë në minutën e dytë shtesë, me anë të Caicedos për t’u shpall kampion i Ligës së Konferencës për herë të parë në histori të klubit.

Ky titull është një moment historik për londinezët të cilët janë bërë skuadra e vetme në histori të futbollit që kanë fituar tre trofenjtë madhor, Ligën e Kampionëve, Europa Ligën dhe Ligën e Konferencës./Arbresh.info